بعيدا عن الاعلام الخادع

بسم الله الرحمن الرحيم

الفتنه نائمه لعن الله من ايقظها وقناه الجزيره تيقظها

جميعنا شاهدنا فوز مصر وفرحه جميع الدول العربيه وعلى وجه التحديد الفرحه الفلسطنيه

ومع ذالك قناه الجزيره فعلت الاسوأ كعادتها ذهبت كاميرات قناه الجزيره الى اسره تشجع غانا

كما فعلتها من قبل فى ابطال القارات والتقت باسره تشجع ايطاليا سبحان الله انتهت اللعبه وبقى الفوز

فى صالح المصريين ومع ذلك لم تصور الجزيره فرحه الشارع والمدن الفلسطنيه التى خرجت وكأنها شعب مصرى

ماذا تريد الجزيره لاكن ما اسعدنى وغمر قلبى بالفرحه هى المشاعر الحقيقيه للشارع الفلسطينى بعيدا عن الجزيره او الفتنه

الفرحه الحقيقيه البسمه التى تخرج من القلوب للمصريين

لو كنت حسن شحاته لاستسمرت هذا الانجاز ولعبت مباره وديه مع المنتخب الفلسطينى

لو كنت حسن شحاته لذهبت لغزة برغم اى شيئ وكل شيئ فقط لاقول تذكرتونا فى الفرحه فنحن معكم فى كل الاوقات

الله عليك يا طارق

والله عندك حق بس الناس فاهمه وعادى كل انسان من حقو يشجع البلد اللى بيحبها مفيش مشكله

انا شوفت ناس من غانا بيشجعو مصر بعد فوز المباره دى الناس اللى بتفهم فى الرياضه وفهمين يعنى لعب كوره

وبعدين يا طارق مش لازم يكون فى اعداء النجاح ولا ايه

عموما شعب فلسطين شعب يستاهل مش بس مصر تكون معاه بل كل العرب وعموما هما معهم اللى احسن من اى حد

الله سبحانه وتعال ان شاء الله وهنكون معهم فى انتصارتهم اللى ان شاء الله هتكون قريبه باذن الله

ومبروك لمصر ولكل شعبها وكل من فرح بفوز فريقها الف الف مبروك مشكور يا طارق

بسم الله الرحمن الرحيم

شكرا يا نانا على المتابعه

انا معاكى اكيد كل واحد من حقه يشجع المنتخب الى بيحبه اى كان

لاكن انا اقصد ليه الجزيره سابت كل الناس الى بتشجع مصر فى فلسطين

وكان كفايه بالنسبالها تصور اسره بتشجع فريق تانى فى شيئ غلط بيحصل

لاكن الشعب المحترم كان موجود رغم انف الجزيره بتشجيعه وقلبه

اكيد يا طارق قولتلك دول اعداء النجاح والسم اللى موجود بحيتنا

ربنا يرحمنا برحمته

مشكور وتقبل مرورى

ما شاء الله عليك يا طارق دايما بجد بتطرح مواضيع حلوه بجد وتستاهل اننا نناقشها

احنا بفلسطين هنا ربنا يعلم فرحنا بفوز مصر ازاى وكنا متابعين لمباراه النهائى زى اى مصرى

لدرجه اتزاعت على اذاعات الراديو المحليه

وفى خبر انا قراته بموقع ان اب من غزه سمى ابنه على اسم اللاعب جدووو وده دليل اننا شعب وقلب واحد

بالنسبه لقناه الجزيره اعتقد انها مش هتقدر تاثر على حد

لان زى ما انتا جيت وطرحت الموضوع هنا وخدت بالك من النقطه دى

فى ناس كتير طبعا زيك كدا عارفين ان احنا شعب مترابط ومفيش حد يقدر يفرقنا

وان شاء الله ربنا يالف القلوب مع بعضيها ونفضل ايد وحده

لتحرير اولى القبلتين وثالث الحرمين الشريفين

ما بكيتـــ آلا لأني فعلاً ح ــبيت..

تسلم يا طارق على مواضيعك المهمة دائما

احنا مش محتاجين الجزيرة ولا امثالها من القنوات الاخبارية او الجرائد الصفراء

عشان تذيع فرحتنا مع بعض

ودة اكيد طبعا بيكون لة هدف محدد

لكن احنا فى الاول والاخر اخوات واحباب
بعيدا عن الكورة

تقبل مرورى

ياحى ياقيوم برحمتك استغيث اصلح لى شانى كلة ولا تكلنى الى نفسى طرفة عين

[b]

بصراحه طاروقة انا بحييك على موضوعك دة

كلنا عارفين ان الجزيرة ليها علاقة كبيرة جدا بكل اللى بيحصل دة

ولان اصلا الجزيرة مبتحبش لا مصر ولا المصريين تخيل انتا لما حد يكون مش بيحبك مش هيشوفلك غير الجانب الوحش وبس

ودة اللى بيحصل فعلا

مبتشوفلناش الا الجنب الوحش لو حاجة كبيرة دى مصر عملت ومصر عملت

ولو حاجة حلوة اكفي على الخبر ماجووور

وكفايا علينا فرحه الشعوب العربية كلها عشانها ولينا

انا شوفت بعيني الانجوليين ماسكين علم مصر وعلى وشهم علم مصر وبيحييونا

دة لوحدو وسام على صدورنا

عايزك متنساش يا طارق ان اللى حصلنا فى ماتش مصر والجزائر فى السودان

الجزيرة نزلت بالاخبار ان مصر اللى غلط مش قالت اى حاجة عن اللى عملوة فيها البرابرة دول

لكن لو تفتكر بدرو يوم ماتش مصر وهما هما الفريق التعبان دة فى ستاد القاهرة

وعورو نفسهم فى الاتوبيس قالو دول مصر عملو وعملو وعملو

اصلا الصور كانت جاية وجايبين ان الشعب المصري بيوصور الاتوبيس اللى هما فيه يبقي هيضربوة ازاى

يلا ربنا ينتقم منهم

كفايا فرحتنا وفرحه الشعوب معانا

وبشكر الاخت ثمن الخيانه هى اللى جابتلنا صور وورتنا فيه فرحه الشعب الفلسطيني

مشكورة ثمن الخيانه

تسلم طارق ويسلمو رومانسية وناانا ونادرة وجرين

تقبلو تحيتي

بسم الله الرحمن الرحيم

تسلمو يا جماعه على المتابعه

رومانسيه انا كمان سمعت ان فى حد سمى ابنه جدو يمكن يا رومانسيه زى ما قولتى

الجزيره او الاعلام دا مش هيأثر على فلسطين او مصر بس فى دول تانى بتتأثر بدا

وهى مؤيده للجزيره يعنى ليبيا اوالجزائر او تونس ومش ضرورى تكون الدوله بكل فئاتها

بس فى جانب كبير منهم

فعلا يا هانى زى ما قولت الجزيره دى رئس الفساد فى العرب فى ناس ممكن تقولك الجزيره عادى

مجرد قناه وخلاص لاكن الحقيقه لا الاعلام دلوءت بقى هو السلطه الاكبر هو القوة الناعمه فى الدول

اتمنى ان كل الدول العربيه تقفل مكاتب الجزيره فيها ونتخلص بقى من الشبح دا

جرين فعلا احنا مش فى حاجه للجزيره دى او امثالها

واكيد كمان ان احنا اخوات وعرب فى البدايه والنهايه زى ما قولتى يا جرين

لاكن مينفعش جهه تيجى كدا وتسوء سمعتنا او تحاول اشعال الفتنه بين اى طرفين

بدعوة تقديم فكر اعلامى جريئ او حر

فى النهايه بشكركم يا جماعه على المتابعه